广州所谓进口水果，其实大部分都是国产物
超市、水果店摆出嘅西瓜、凤梨、车厘子、山竹、奇异果、新奇士橙、龙眼等水果琳琅满目，令人食欲大增。尤
超市、水果店摆出嘅西瓜、凤梨、车厘子、山竹、奇异果、新奇士橙、龙眼等水果琳琅满目，令人食欲大增。尤其係嗰啲进口水果，单睇形状颜色，就觉得美味至极，令人忍唔住买番几只来叹下。但係，睇咗琴日嘅一条新闻之后，我以后都唔敢随便买进口水果了，点解呢？睇下下面呢条新闻喇：
据报道，广州嘅所谓进口水果，其实大部分都係国产物，所谓“澳芒”，其实係海南四季芒；所谓“台湾香水菠萝”，其实係海南菠萝；所谓“夏威夷木瓜”，其实产自海南；所谓“智利进口车厘子”，其实係山东产……呢啲国产水果，随便贴啲英文标签，就摇身变成进口高档货，价格也水涨船高，高出好几倍。原本6元/个嘅海南四季芒，变身“澳芒”之后就变成咗48元/个！真係唔睇唔知道，一睇吓一跳！
我外号“水果大王”，自幼唔肯食饭唔肯食餸，就中意食水果，食厌咗国产水果，就经常叹下进口货，冇惗到食咗咁多年水果，今时今日先至知道原来自己俾呃咗，做咗咁耐嘅水鱼。唉，我幼小嘅心灵，真係鬼死咁受伤！
各位唔食进口水果嘅看官，唔好以为呢啲小事与你无关，其实成个城市嘅声誉，多少都会受到影响。广州係水果天堂，呢度嘅水果又靓又平又丰富，喺全国都係出咗名嘅，好多外地人到咗广州，都会叹下呢度嘅美味水果，仲会买啲返去做手信，睇呢篇报道之后，唔知佢哋会点惗呢？